Fransa, Strasburq, 14 fevral/ Trend , müxbir, A.Məhərrəmli/ Avropa Şurasının İnsan Hüquqları üzrə komissarı Tomas Hammarberq (Thomas Hammarberg) Azərbaycanda insan haqlarının vəziyyətinə dair hazırladığı məruzəni fevralın 20 -də AŞ Nazirlər Komitəsinə təqdim edəcək. Bununla bağlı Trend ə cümə axşamı AŞ İnsan Hüquqları Bürosundan məlumat verilib. Sənəddə əksini tapmış Azərbaycanda müxtəlif insan hüquqları məsələlərinə dair Azərbaycan nümayəndəliyi ilə fikir mübadiləsi aparılacaq.
Hammarberq bu ölkədə insan haqları sahəsində vəziyyətlə tanış olmaq üçün ötən il sentyabrın 3-7 -də Azərbaycanda dəyərləndirmə səfərində olub.
