Bakı. Trend:
Yaponiya sahillərində 5,3 bal gücündə zəlzələ qeydə alınıb.
Trend-in məlumatına görə, bu barədə Avropa-Aralıq dənizi Seysmoloji Mərkəzi bildirib.
Məlumata əsasən, yeraltı təkanların episentri Hamamatsu şəhərindən (Şizuoka prefekturası) 901 km cənub-şərqdə olub. Zəlzələnin ocağı 472 km dərinlikdə olub.
Xəsarət alanlar və dağıntılar barədə məlumat verilməyib. Sunami təhlükəsi elan olunmayıb.