Bakı. Trend:
ABŞ-nin Kemden şəhərindəki "General Dynamics Ordnance and Tactical Systems" şirkətinə məxsus müdafiə obyektində baş verən partlayış nəticəsində ən azı iki nəfər yaralanıb, bir nəfər itkin düşüb.
Trend-in məlumatına görə, bu barədə "Associated Press" agentliyi xəbər verib.
Məlumata əsasən, zavod xüsusilə 155 mm və 105 mm çaplı artilleriya mərmiləri istehsal edib.
"Hazırda fövqəladə hallar xidmətləri ilə birgə çalışırıq və hadisə nəticəsində ən azı iki nəfərin yaralandığını və bir nəfərin itkin düşdüyünü təsdiqləyə bilərik", - deyə obyektin nümayəndəsi bildirib.