Bakı. Trend:
“Fiorentina”nın hücumçusu Franko Mastantuono İtaliya A Seriyasının 4-cü turunda “Venesiya” ilə oyunda (4:2) het-trik edib. “Real Madrid”dən icarəyə götürülən 19 yaşlı argentinalı futbolçu bu görüşdə Madrid klubunda əvvəlki bütün mövsüm ərzində vurduğu qədər – üç qol vurub.
Mastantuono “Fiorentina”nın heyətində keçirdiyi beş oyunda artıq dörd qola imza atıb. O, mövsümün sonunadək İtaliya klubunda icarə əsasında çıxış edəcək.
Argentinalı futbolçu “Real Madrid”də keçirdiyi bir il ərzində 35 matçda iştirak edib, üç qol vurub və bir məhsuldar ötürmə verib. Tərəflər arasında müqavilə 2031-ci ilədək qüvvədədir.
“Fiorentina” üçün bu qələbə cari mövsümdə çempionatdakı ilk uğur olub. Bundan əvvəl Fabio Qrossonu istefaya göndərən və baş məşqçi vəzifəsinə yenidən Paolo Vanolini təyin edən klub keçirdiyi üç oyunun hamısında məğlub olmuşdu.
