Bakı. Trend:
Məşhur fransız aktyor Jerar Depardye Fransadakı məhkəmə işləri ucbatından Rusiyaya köçməyi planlaşdırır.
Trend xəbər verir ki, bu haqda “Metro” artistin yaxınlarına istinadən məlumat yayıb.
Nəşrin məlumatına əsasən, Depardye artıq rus dilini öyrənməyə başlayıb və gələcəkdə Rusiya istehsalı olan filmlərə çəkilməyi hədəfləyib.
Aktyor agentinə ən yaxşı rusiyalı rejissorlarla əlaqə qurmağı tapşırıb və Rus çarı rolunu oynamaq istədiyini bildirib.
Qeyd edək ki, martın 25-də Paris məhkəməsində Depardyeya qarşı cinsi təcavüz ittihamı ilə proses başlayıb. Təqsiri sübuta yetiriləcəyi təqdirdə aktyoru beş ilə qədər həbs cəzası gözləyir.