Bakı. Trend:
La Liqa təmsilçisi “Real Madrid”in yarımmüdafiəçisi Federiko Valverde komandadan ayrılmağa yaxın olan futbolçular arasında göstərilir.
Trend xəbər verir ki, uruqvaylı oyunçu baş məşqçi Xabi Alonsonun idarəçilik tərzindən narazı olan bir neçə futbolçu arasında yer alır. Klub daxilində yaranmış vəziyyət Valverdenin gələcəyi ilə bağlı suallar yaradıb.
Məlumata görə, İngiltərə Premyer Liqası təmsilçisi “Mançester Yunayted” Valverdeni transfer etməkdə maraqlıdır. Lakin Madrid klubunun rəhbərliyi yarımmüdafiəçini 114 milyon avrodan (təxminən 210 milyon AZN) aşağı məbləğə satmaq niyyətində deyil.