Bakı. Trend:
Qara dənizdə pilot uçuş aparatlarının hücumna məruz qalan “Virat” neft tankeri Türkiyəyə gətiriləcək.
Trend-in məlumatına görə, bu barədə Türkiyə Dənizçilik Baş İdarəsinin "X" sosial şəbəkəsində bildirilib.
Bildirilib ki, gövdəsində zədə olan tanker Türkiyəyə dekabrın 1-də təxminən saat 13:00-da çatacaq.
Qeyd edək ki, bu gün Qambiya bayrağı altında üzən “Virat” neft tankeri yenidən Türkiyə sahilləri yaxınlığında pilotsuz uçuş aparatlarının hücumuna məruz qalıb.
Bundan əvvəl ötən gecə tankerdə yanğın baş verib. Onun pilotsuz uçuş aparatı ilə vurulduğu güman edilib. Gəmidə olan 20 nəfərlik heyət tam şəkildə təxliyə edilib.