Bakı. Tred:
Kiyev nümayəndə heyəti Ukraynadakı münaqişənin həlli üçün yaxın günlərdə atılacaq addımları müəyyən etmək məqsədilə ABŞ-yə səfər edib.
Trend-in məlumatına görə, bu barədə Ukrayna prezidenti Volodimir Zelenski "Telegram" kanalında yazıb.
"Diplomatiya aktiv olaraq qalır. Amerika tərəfi konstruktiv mövqelər nümayiş etdirir və döyüşlərə ləyaqətlə son qoymaq üçün yaxın günlərdə addımları yekunlaşdırmaq tamamilə mümkündür", - deyə o bildirib.
Zelenski qeyd edib ki, Kiyev nümayəndə heyətinin "lazımi göstərişləri" var və onlardan milli prioritetlərə uyğun işləməsini gözləyir.