Bakı. Trend:
Şimali Koreya lideri Kim Çen In ölkənin Hərbi Hava Qüvvələrini döyüş əməliyyatları üçün yeni strateji silahlarla təmin edəcəyinə söz verib.
Trend-in məlumatına görə, bu barədə Koreya Mərkəzi Teleqraf Agentliyi xəbər verib.
"Yoldaş Kim Çen In yeni strateji hərbi vasitələrlə təchiz olunmuş Hərbi Hava Qüvvələrimizə yeni vacib bir vəzifə həvalə ediləcəyini deyib", - deyə agentlik bildirib.
Şimali Koreya lideri Hərbi Hava Qüvvələrinin yaradılmasının 80 illiyi münasibətilə 2-ci Hava Diviziyasının 59-cu alayında keçirilən şənliklərdə çıxış etsə də, onların hansı tapşırıqlarla və ya hansı yeni vasitələrlə yerinə yetiriləcəyini dəqiqləşdirməyib.