Bakı. Trend:
Böyük Britaniya Avropa İttifaqı ilə "Security Action for Europe" (SAFE) adlı müdafiə fonduna qoşulmaq barədə razılığa gələ bilməyib.
Trend xarici KİV-ə istinadən xəbər verir ki, bu barədə Böyük Britaniyanın Aİ ilə əlaqələr üzrə dövlət naziri Nik Tomas-Simonds bəyan edib.
“Böyük Britaniyanın SAFE-in birinci raundunda iştirakına dair danışıqları başa çatdıra bilməməyimiz məyusluq yaratsa da Britaniyanın müdafiə sənayesi əvvəlki kimi yenə də üçüncü ölkələr üçün nəzərdə tutulmuş şərtlərlə SAFE çərçivəsindəki layihələrdə iştirak edə biləcək”, – deyə o bildirib.
Onun sözlərinə görə, Britaniyanın mövqeyi belədir ki, dövlət yalnız milli maraqlara cavab verən və qiymət–dəyər baxımından səmərə verən sazişləri imzalayacaq.