Bakı.Trend:
Prezident İlham Əliyev tərəfindən təsdiq edilən "Azərbaycan Respublikasında Rəqəmsal İnkişaf Konsepsiyası" Fərmnanı ölkədə rəqəmsal inkişafın prioritetlərini özündə ehtiva edən sənəddir.
Trend xəbər
verir ki, bu fikirləri bu gün İnnovasiya və Rəqəmsal İnkişaf
Agentliyinin təşkil etdiyi
“İKT Karyera Sərgisi 2025” çərçisində İnnovasiya və Rəqəmsal
İnkişaf Agentliyinin müavini Rəşad Xalıqov jurnalistlərə
açıqlamasında deyib.
O bildirib ki, bu konsepsiyaya əsasən, rəqəmsal inkişafın təmin edilməsi üçün mühüm komponentlərdən biri ölkədə İKT sahəsində fəaliyyət göstərən gənclərin bilik və bacarıqlarının artırılmasıdır:
“Bu baxımdan belə İKT sərgilərinin təşkili çox əhəmiyyətlidir. Sözügedən platformada məzunların, gənclərin, universitet və təşkilatların biraraya gəlməsi xüsusi əhəmiyyət kəsb edir. Builki sərgiyə 900-dən artıq gənc müraciət edib”.
O vurğulayıb ki, İRİA-nın bu istiqamətdə əsas məqsədi universitet, şirkətlər, təşkilatlar və gənclər arasında qarşılıqlı əlaqəni təşkil etməkdir.
“Azərbaycanda İKT sahəsində fəaliyyət göstərən gənclərin bilik və bacarıqlarının yüksək səviyyəyə çatdırılması üçün layihələr həyata keçiririk. Bunun da əsas məqsədi gənclərin beynəlxalq şirkətlərdə, təşkilatlarda iş tapa bilməsinə çalışılmasıdır”, - İRİA rəsmisi bildirib.
R. Xalıqov əlavə edib ki, bu tip sərgilər gələcəkdə də mütəmadi olaraq təşkil ediləcək.