Bakı. Trend:
İspaniyanın "Real" klubunun heyətində itki baş verib.
Trend xəbər verir ki, müdafiəçi Ferlan Mendi sıradan çıxıb.
Fransalı futbolçu La Liqanın 34-cü turunun "Espanyol"la matçında (2:0) zədələnib. Mendinin sağ ayaq əzələsində zədə aşkarlanıb. 30 yaşlı müdafiəçi mövsümün qalan hissəsində meydana çıxa bilməyəcək.
Qeyd edək ki, Ferlan Mendi bu mövsüm Madrid təmsilçisinin heyətində 9 rəsmi matçda meydana çıxıb.
