Bakı. Trend:
Vaşinqton İranla münaqişənin sülh yolu ilə həllini müzakirə etməyə davam edir.
Trend-in məlumatına görə, bu barədə ABŞ Prezidentinin xüsusi nümayəndəsi Stiv Uitkoff CNN telekanalına açıqlamasında bildirib.
Telekanalın danışıqların hazırkı vəziyyəti ilə bağlı sualını cavablandıran Uitkoff “Biz ünsiyyətdəyik” deyə qeyd edib.
ABŞ Prezidenti Donald Tramp daha əvvəl İsrailin dövlət televiziyası KAN-a verdiyi müsahibədə Tehranın sülh razılaşması ilə bağlı yeni təklifini “qəbuledilməz” hesab etdiyini bildirmişdi.