Bakı. Trend:
Argentinadan Kabo-Verdeyə uçan “MV Hondius” kruiz laynerinin daha 3 sərnişinində hantavirus simptomları aşkarlanıb.
Trend bu barədə xarici mediaya istinadən xəbər verir.
Məlumata görə, səyahət laynerinin göyərtəsində 170 sərnişin və 71 heyət üzvü olub.
Daha əvvəl bildirilmişdi ki, viruslu infeksiyanın qurbanları arasında Niderlanddan olan yaşlı bir cütlük də daxil olmaqla üç nəfər var. Laynerdə olan bir britaniyalı turist Cənubi Afrikada xəstəxanaya yerləşdirilib. Gəmi Kabo-Verdenin paytaxtı olan Praia limanında lövbər salıb. Sərnişinlərə və ekipaja layneri tərk etməyə icazə verilmir, həkimlər onları gəminin göyərtəsində müayinə edirlər.
Hantaviruslar, əsasən xırda məməliləri yoluxduran, lakin insanlara da keçə bilən viruslar ailəsidir. Ağır hallarda yoluxan şəxslərdə ağciyər zədələnməsi, ürək çatışmazlığı və hemorragik qızdırma inkişaf edə bilər.