Bakı. Trend:
Noyabrın 13-də polis tərəfindən keçirilən tədbirlərlə itkin düşmüş kimi axtarışı aparılan 6 nəfər tapılıb.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, həmin şəxslər ailə üzvlərini məlumatlandırmadan yaşadıqları ünvanı tərk ediblər. Onlar tapılaraq aidiyyəti üzrə təhvil veriliblər.
Həmin gün keçirilən əməliyyat tədbirləri ilə dələduzluğa görə axtarışda olan 9 nəfər də saxlanılaraq istintaqa təhvil verilib.
