Bakı. Trend:
Meksikanın İdalqo ştatının Tula şəhərində bir bara silahlı şəxsin hücumu nəticəsində ən azı altı nəfər ölüb, səkkiz nəfər ağır yaralanıb.
Trend-in məlumatına görə, bu barədə Meksikanın "El Universal" nəşri prokurorluğa istinadən bildirib.
Qeyd olunub ki, naməlum şəxslər noyabrın 29-da yerli vaxtla təxminən saat 1:30 radələrində La Resaka barına hücum ediblər. Ən azı yeddi nəfərdən ibarət bir qrup müəssisəyə basqın edərək "R-15" avtomatlarından atəş açıb.
Hüquq-mühafizə orqanları araşdırmaya başlayıb və hücum edənlərin müəyyən edilməsi və saxlanılması üçün əməliyyat tədbirləri həyata keçirir.