Bakı. Trend:
PAŞA Holding-in təşkilatçılığı ilə keçirilən II "LEGIS Hüquq Forum"-u nəzdində hüquq cəmiyyətinin səsini bir araya gətirmək və qanunvericiliyin təkmilləşdirilməsinə real töhfə vermək üçün “LEGIS”lation qanunvericiliyə dəyişiklik layihəsinə start verildi!
Bu təşəbbüs hüquq ictimaiyyətinin qanunvericilik prosesində iştirakını və əlçatanlığını təmin edən interaktiv platformadır.
Sözügedən təşəbbüsün məqsədi qanunvericilikdə dəyişiklik
zərurəti olan sahələri müəyyənləşdirmək, hüquqşünasların,
tədqiqatçıların və gənc mütəxəssislərin qanunvericiliyə
dəyişikliklə bağlı təkliflərini toplamaq, sistemləşdirmək və
müvafiq dövlət qurumlarına təqdim ediləcək təkliflər siyahısını
formalaşdırmaqdır.
Layihədə iştirak etmək istəyən şəxslər aşağıda "qeydiyyat" yazılmış
linkə daxil olaraq müvafiq formu doldurmalıdırlar.
Bizim başlıca şərtlərimiz bunlardır:
1. Etik normalara riayət olunması;
2. Təklif edilən dəyişikliyin digər normativ hüquqi aktlar ilə
ziddiyyət yaratmaması;
3. Təklif edilən dəyişikliyin unikallığı;
* Unikallıq dedikdə göndərilən dəyişiklik təklifinin əvvəlcədən
(Məsələn, Konstitusiya Məhkəməsi Plenumunun Qərarı ilə) təklif
edilmiş olmaması nəzərdə tutulur);
4. Süni intellektdən faydalı şəkildə istifadə.
* Süni intellektdən istifadə məcburi deyil. Lakin istifadə
ediləcəyi halda, bu texnologiyadan ideyanı, təşəbbüsü və ya
layihəni daha da təkmilləşdirmək, yəni yaradıcılığa və analitik
dərinliyə töhfə vermək məqsədilə istifadə olunması tövsiyə olunur.
Tamamilə süni intellekt tərəfindən hazırlanmış və iştirakçının öz
töhfəsi, təhlili və fərdi baxışı olmadan təqdim edilmiş dəyişiklik
təkliflərin qiymətləndirməsi mərhələsində müəyyən edildiyi halda
layihədən kənarlaşdırıla bilər.
Layihə komandası tərəfindən ən yüksək qiymətləndirilmiş təkliflərin
dövlət orqanları nümayəndələri ilə birlikdə müzakirəyə çıxarılması
və qanunvericiliyə dəyişiklik təklifi olaraq müvafiq qurumlara
təqdim edilməsi nəzərdə tutulur.
Əgər siz də mövcud hüquqi aktlarda boşluq, ziddiyyət və ya praktiki
çətinlik müşahidə etmisinizsə, o halda “LEGIS”lation platformasına
qoşulun və hüquq sisteminin inkişafına öz töhfənizi verin.
Qeydiyyatdan keçməyə tələsin!
Sizin ideyanız sabahın QANUNU ola bilər.
Qeydiyyat: https://forms.gle/2GY63zhK2fvN5BnM7