Bakı. Trend:
Türkiyə Xarici İşlər Nazirliyi "Kairos" və "Virat" tankerlərinə edilən hücumlardan narahatdır və eskalasiyanın qarşısını almaq üçün tədbirlər görür.
Trend-in məlumatına görə, bu barədə Türkiyə XİN-nin rəsmi nümayəndəsi Oncu Keçeli "X" sosial şəbəkəsində yazıb.
"Qara dənizdə Qambiya bayrağı altında üzən "Kairos" və "Virat" ticarət tankerlərinə dünən (28 noyabr) edilən hücumlardan narahatıq", - deyə paylaşımda bildirilib.
O, hadisələrin Türkiyənin eksklüziv iqtisadi zonasında baş verdiyini və gəmiçilik təhlükəsizliyi, insan həyatı və ətraf mühit üçün ciddi risklər yaratdığını vurğulayıb. Onun sözlərinə görə, nazirlik eskalasiyanın daha da artmasının qarşısını almaq və Türkiyənin iqtisadi maraqlarına mənfi təsirin qarşısını almaq üçün maraqlı tərəflərlə əlaqə saxlayır.