Bakı. Trend:
Qazaxıstan Xəzər Boru Kəməri Konsorsiumunun (XBKK) infrastrukturuna edilən hücuma etiraz edib.
Trend-in məlumatına görə, bu barədə ölkənin Xarici İşlər Nazirliyinin saytında yayılan bəyanatda bildirilib.
Bəyanatda qeyd olunur ki, baş verənlər beynəlxalq hüquqla qorunan mülki obyektə qarşı üçüncü təcavüz aktıdır.
Nazirlik XBKK-nın qlobal enerji sisteminin sabitliyinin qorunmasında mühüm rol oynadığını vurğulayıb.
"Biz bu hadisəni Qazaxıstan Respublikası ilə Ukrayna arasındakı ikitərəfli münasibətlərə zərər vuran addım kimi qiymətləndiririk və Ukrayna tərəfinin bu kimi halların təkrarlanmaması üçün konkret tədbirlər görəcəyini gözləyirik", – bəyanatda qeyd olunub.