Bakı.Trend:
Paytaxtın Nərimanov rayonunda yol-nəqliyyat hadisəsi baş verib.
Trend-in məlumatına görə, qəza metronun “Gənclik” stansiyası yaxınlığında yerləşən avtomobil tunelində qeydə alınıb. Belə ki, “Hyundai” və “Lexus” markalı minik avtomobillərinin toqquşması nəticəsində nəqliyyat vasitələrinə ciddi ziyan dəyib, bir neçə nəfər xəsarət alıb.
Hadisə yerinə təcili tibbi yardım briqadaları, xilasedicilər və polis əməkdaşları cəlb olunub.
