Ağcabədi. Trend:
Ağcabədi şəhərində müşahidə olunan güclü külək bir sıra fəsadlara səbəb olub.
Trend-in yerli müxbirinin məlumatına görə, ötən gecə güclü küləyin təsirindən iri gövdəli ağac aşaraq “Mercedes-Benz” və “VAZ-2106” markalı avtomobillərin üzərinə düşüb. Hadisə nəticəsində hər iki nəqliyyat vasitəsinə ciddi ziyan dəyib.
Bundan əlavə, şəhərin digər ərazisində qaz xəttində qırılma baş verib. Hadisə yerinə aidiyyəti qurumların əməkdaşları cəlb olunub, yaranmış problemlərin aradan qaldırılması istiqamətində tədbirlər görülür.
