Bakı. Trend:
Paytaxt ərazisində oğurluq edənlər saxlanılıb.
Bu barədə Trend-ə Daxili İşlər Nazirliyinin Mətbuat xidmətindən məlumat verilib.
Bildirilib ki, Yasamal RPİ 29-cu Polis Şöbəsinə rayon ərazisində yerləşən mağazaların birində paytaxt sakininin 500 manat dəyərində mobil telefonunun oğurlanması barədə məlumat daxil olub.
Polis əməkdaşlarının keçirdikləri tədbirlərlə talamada şübhəli bilinən 39 yaşlı Q.Səfərov saxlanılıb. Onun üzərinə baxış zamanı 1 kiloqrama yaxın narkotik vasitə olan marixuana aşkarlanaraq götürülüb.
Əlavə olaraq Qaradağ rayonu Lökbatan qəsəbəsi ərazisində isə bir nəfərə məxsus avtomobildən 550 manat oğurlamaqda şübhəli bilinən 26 yaşlı S.Türbəndiyev polis əməkdaşları tərəfindən saxlanılıb.
Faktlarla bağlı araşdırma aparılır.