Bakı. Trend:
Cari ilin fevral ayında kredit kartları ilə aparılan əməliyyatların sayı 12,5 milyon ədəd, həcmi isə 795 milyon manat olub.
Trend bu barədə Azərbaycan Mərkəzi Bankından məlumat əldə edib.
Məlumata görə, bu məbləğin 120 milyon manatı bankomatlar vasitəsilə, 164 milyon manat POS-terminallar vasitəsilə, 488 milyon manatı electron ticarət vasitəsilə, 0,41 milyon manatı isə özünə xidmət terminalları vasitəsilə aparılan əməliyyatların payına düşüb.
O cümlədən, fevralda kredit kartları ilə aparılan ölkəxarici əməliyyatların sayı 371 min ədəd, həcmi isə 23 milyon manat təşkil edib ki, bunun da 0,26 milyon manatı nağd pulun çıxarılmasının, 23 milyon manatı isə nağdsız ödənişlərin payına düşüb.