Bakı. Trend:
ABŞ zərurət yaranacağı təqdirdə İrana qarşı zərbələri bərpa etməyə hazırdır. Qətər və Səudiyyə Ərəbistanı isə münaqişənin sülh yolu ilə həllinin tərəfdarıdır.
Bu barədə ABŞ Prezidenti Donald Tramp bildirib.
“Biz istədiyimiz istənilən vaxt İrana zərbələr endirməyə hazırıq”, – deyə dövlət başçısı vurğulayıb.
Trampın sözlərinə görə, bazar ertəsi Ağ Evdə Qətərin Baş naziri və xarici işlər naziri şeyx Məhəmməd bin Əbdürrəhman Al Tani ilə görüşü zamanı Dohanın da Ər-Riyad kimi münaqişənin sülh yolu ilə nizamlanmasına üstünlük verdiyi bildirilib.
