Bakı. Trend:
Argentinada Aerolineas Argentinas şirkətinə məxsus sərnişin təyyarəsi, nəzarətçinin yuxuya getməsi səbəbindən Sause-Viyexo, Santa Fe və Parana hava limanları üzərində 53 dəqiqə dövrə vurmağa məcbur olub.
Trend xəbər verir ki, bu barədə El Argentino nəşri yazıb.
Təyyarə Sause-Viyexoda eniş üçün müvafiq siqnalı gözləyib və Santa Fe üzərindən, Parana və San Benitoya, həmçinin digər yaxın ərazilərə uçub.
Hadisənin səbəblərindən biri, aviadispetçerin yuxuya getməsi və təyyarəni endirmək üçün lazımi göstəriş verməməsi göstərilir. Buenos-Ayresdən uçan təyyarə, idarəetmə qülləsi ilə əlaqə bərpa edildikdən sonra təhlükəsiz şəkildə yerə enə bilib.