Bakı. Trend:
ABŞ Prezidenti Donald Tramp Azərbaycan və Ermənistan arasında sülh sazişinin imzalanmasını və ratifikasiyasını səbirsizliklə gözləyir.
Trend xəbər verir ki, bunu bu gün ABŞ Dövlət Departamentinin Enerji Resursları Bürosunun baş məsləhətçisi Erik Ceykobs Bakıda Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
"Sizi Ermənistanla sülh müqaviləsinin mətninin yekunlaşması münasibətilə təbrik edirəm. Prezident Tramp onun imzalanmasını və ratifikasiya olunmasını səbirsizliklə gözləyir, çünki sabitlik və sülh regionda iqtisadi inkişafı təmin edəcək", - o bildirib.
Ceykobs qeyd edib ki, davamlı sülh regional münaqişələr dövrünə son qoyacaq və Cənubi Qafqaza təhlükəsizlik və firavanlıq gətirəcək.
"Biz sülh və firavanlığa doğru atılan bu cəsarətli addımı yüksək qiymətləndiririk", - o bildirib.