Bakı. Trend:
Çin hökuməti Trampın sərt gömrük ölçülərinə cavab olaraq ABŞ mallarına 34% həcmində əlavə gömrük rüsumunun tətbiq olunması ilə bağlı qərar qəbul edib.
Trend xəbər verir ki, bu barədə xarici KİV-lər Çinin Kommersiya Nazirliyinə istinadən məlumat yayıb.
Məlumata görə, bu ölçünün Vaşinqtonun bundan əvvəl elan etdiyi “rüsumlara” cavab tədbiri olduğu xüsusi olaraq vurğulanır. Yeni idxal rüsumları aprelin 10-dan etibarən qüvvəyə minəcək.
Bundan başqa, Çin kommersiya nazirliyi bildirib ki, yüksək texnologiyalı məhsulların, o cümlədən kompüter çiplərinin hazırlanmasında istifadə olunan nadir metalların yeddi növünün ixracat nəzarətinin gücləndirilməsi ilə bağlı qərar qəbul olunub.