Bakı. Trend:
ABŞ dövlət katibi Marko Rubio Vaşinqtonun ölkənin müdafiə xərclərini ÜDM-in 5%-ə qədər artırmağı planlaşdırdığını bəyan edib.
Trend xəbər verir ki, bu barədə ölkənin yerli KİV-ləri məlumat yayıb.
“Qlobal iştirakımızı nəzərə alaraq biz milli təhlükəsizliyimizlə bağlı ehtiyaclara daha çox vəsait sərf edəcəyik”, -Rubio bildirib.
O, ABŞ-nin Hind-Sakit okean, Yaxın Şərq regionlarında və Qərb yarımkürəsində təhlükəsizliklə bağlı öhdəliklərinin olduğunu qeyd edib.
Rubio Vaşinqtonun NATO-dan olan tərəfdaşlarından anoloji olaraq hərbi büdcəni artırmaları ilə bağlı hər hansı tələb irəli sürmədiyini vurğulasa da, onların könüllü sürətdə bu gedişi etmələrinin arzuolunan olduğunu diqqətə çatdırıb.