Bakı. Trend:
“Yaşıl Enerji Dəhlizi” enerji sistemlərimizi birləşdirərək dayanıqlı və güclü enerji şəbəkəsinin yaradılmasını hədəfləyir.
Trend xəbər verir ki, bunu Özbəkistanın energetika nazirinin müavini Ümid Məmədəminov Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
Onun sözlərinə görə, günəş və külək enerjisi kimi bərpa olunan resurslarla zəngin Azərbaycan, Qazaxıstan və Özbəkistan yaşıl enerji keçidində lider olmaq potensialına malikdir: "Ölkələrimiz arasında “Yaşıl Enerji Dəhlizi” təşəbbüsü bu potensialdan maksimum faydalanmaq üçün birgə səylərimizin təzahürüdür və enerji sistemlərimizi birləşdirərək dayanıqlı və güclü enerji şəbəkəsinin yaradılmasını hədəfləyir".