Bakı. Trend:
UEFA Çempionlar Liqasında 2024/2025 mövsümünün final qarşılaşması bu gün baş tutacaq.
Trend-in məlumatına görə, həlledici oyunda Fransanın PSJ və İtaliyanın “İnter” komandaları üz-üzə gələcək.
Final görüşü Almaniyanın Münxen şəhərində yerləşən “Alyans Arena” stadionunda keçiriləcək və Bakı vaxtı ilə saat 23:00-da başlayacaq. Qarşılaşmanı macar əsilli rumıniyalı FIFA hakimi İştvan Kovaç idarə edəcək.
Matç öncəsi PSJ heyətində heç bir itki yoxdur. “İnter” isə iki əsas futbolçusunu – argentinalılar Xoakin Korrea və Valentin Karbonini zədə səbəbilə finalda itirib.