Bakı. Trend:
Azərbaycanın minifutbol millisi növbəti qarşılaşmasını keçirib.
Trend-in məlumatına görə, komandamız Bakıda təşkil olunan dünya çempionatında yarımfinal mərhələsində meydana çıxıb.
Elşad Quliyevin rəhbərlik etdiyi kollektiv Monteneqro yığması ilə qarşılaşıb. Milli Gimnastika Arenasında keçirilən oyunda millimiz 2:1 hesabı ilə qalib gəlib. Qolları Ağaseyid Qasımov və Ramiz Çovdarov vurublar.
Bu qələbə ilə Azərbaycan millisi dünya çempionatının ilk finalçısı olub. Finaldakı rəqibimiz Macarıstan – Serbiya qarşılaşmasından sonra bəlli olacaq.