Bakı. Trend:
İtaliya TAP boru kəmərinin gücünün artırılması prosesinə başlayıb.
Trend xəbər verir ki, bu barədə İtaliyanın ətraf mühit və enerji təhlükəsizliyi nazirinin müavini Vannia Qava Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı məlumat verib.
O, çıxı zamanı bunları qeyd edib: "İtaliya Cənub Qaz Dəhlizinin enerji keçidinin asanlaşdırılmasında və tədarükün təhlükəsizliyinin təmin edilməsində əsas rolunu tanıyır. TAP Avropanı Xəzər və Şimali Afrika ilə birləşdirərək İtaliyanın strateji enerji mərkəzi kimi rolunu gücləndirməyə kömək edəcək və biz boru kəmərinin gücünün artırılması prosesinə artıq başlamışıq".