Bakı.Trend:
Serbiya Silahlı Qüvvələrinə məxsus MiQ-29 qırıcı təyyarəsi ölkənin şimal-qərbində qəzaya uğrayıb.
Bu barədə "RTS" telekanalı məlumat yayıb.
Hadisə nəticəsində təyyarənin pilotunun həlak olduğu bildirilir.
Təyyarə Batajnitsa aerodromunda dislokasiya olunmuş 204-cü Aviasiya Briqadasına məxsus olub. Qırıcı Nova-Pazova və Stara-Pazova yaşayış məntəqələri arasındakı ərazidə, çöllük sahəyə düşüb.
Qəzanın səbəbləri araşdırılır.
