Bakı. Trend:
2025-ci il aprelin 4-də Azərbaycan Respublikası Ali Məhkəməsi Plenumunun növbəti iclası keçirilib.
Trend xəbər verir ki, iclasda
2024-cü ildə Ali Məhkəmənin kollegiyalarında mahiyyəti üzrə təkrar
baxılmış işlərə dair məruzə dinlənilib.
Sonra “İnzibati məhkəmə icraatında iddianın mümkünlüyünə dair”
Azərbaycan Respublikası Ali Məhkəməsi Plenumunun 2015-ci il 10
aprel tarixli 5 nömrəli Qərarının tətbiqi ilə bağlı məhkəmələrin
fəaliyyətinin monitorinqinin aparılmasına dair Azərbaycan
Respublikası Ali Məhkəməsi Plenumunun qərar layihəsi müzakirə
olunub.
"Nikahın pozulması, boşanmadan sonra yetkinlik yaşına çatmayan
uşaqların valideynlərdən hansının yanında qalması və uşaqlar üçün
valideynlərdən aliment tutulması tələbinə dair işlərə baxılarkən
qanunvericiliyin məhkəmələr tərəfindən tətbiqi təcrübəsi haqqında"
Azərbaycan Respublikası Ali Məhkəməsi Plenumunun 2016-cı il 28 mart
tarixli və "Valideynlərin və digər qohumların uşaqla ünsiyyətdə
olmaq hüquqları ilə əlaqədar qanunvericiliyin məhkəmələr tərəfindən
tətbiqi təcrübəsi haqqında” 2011-ci il 28 oktyabr tarixli
Qərarlarının tətbiqi ilə bağlı məhkəmələrinin fəaliyyətinin
monitorinqinin aparılmasına dair Azərbaycan Respublikası Ali
Məhkəməsi Plenumunun qərar layihəsinin müzakirəsi aparılıb.
Daha sonra “Silahın, onun komplekt hissələrinin, döyüş sursatının,
partlayıcı maddələrin və qurğuların qanunsuz hazırlanmasına,
dövriyyəsinə və talanmasına dair işlər üzrə məhkəmə təcrübəsi
haqqında” Azərbaycan Respublikası Ali Məhkəməsi Plenumunun 2005-ci
il 27 may tarixli Qərarında dəyişiklik edilməsi barədə və
“Yetkinlik yaşına çatmayanların cinayətləri barədə işlər üzrə
məhkəmə təcrübəsi haqqında” Azərbaycan Respublikası Ali Məhkəməsi
Plenumunun 2008-ci il 30 iyun tarixli Qərarında dəyişiklik edilməsi
barədə Azərbaycan Respublikası Ali Məhkəməsi Plenumunun Qərar
layihələri müzakirəyə çıxarılıb və müvafiq qərarlar qəbul
edilib.
İclasda həmçinin konkret işlərə baxılıb.