Bakı. Trend:
ABŞ ilə ticarət razılaşmasına əsasən, İndoneziya 19 faiz rüsum ödəcəyək, ABŞ-nin Asiya ölkəsinə ixracı isə rüsumsuz olacaq.
Trend-in məlumatına görə, bu barədə ABŞ prezidenti Donald Tramp bildirib.
"Bu səhər mən İndoneziyanın hörmətli prezidenti Prabovo Subianto ilə danışdıqdan sonra onunla mühüm saziş bağladım", - deyə o "Truth Social" sosial şəbəkəsində yazıb.
Müqavilə çərçivəsində Cakarta ABŞ-dən 15 milyard dollar dəyərində enerji təchizatı, 4,5 milyard dollarlıq kənd təsərrüfatı məhsulları və 50 Boeing təyyarəsi almağına dair öhdəlik götürüb.
Onun sözlərinə görə, ABŞ malları İndoneziyaya sərbəst daxil olacaq - onlara bu və ya digər şəkildə idxalı məhdudlaşdıra biləcək heç bir tarif və ya digər tədbirlər tətbiq edilməyəcək.