Bakı. Trend:
Bu ilin iyunun 1-nə Azərbaycan banklarının nəqliyyat sahəsinə verilmiş biznes kredit portfeli 1,495 milyard manat təşkil edib.
Trend bu barədə Mərkəzi Bankdan məlumat əldə edib.
Sözügedən sahə üzrə kredit portfeli aylıq müqayisədə 20 milyon manat (1,4%), ötən ilin eyni dövrü ilə nisbətdə isə 157 milyon manat (11,7%) böyüyüb.
Qeyd edək ki, nəqliyyat sahəsi üzrə banklar tərəfindən verilmiş biznes kreditlərin məbləği 2025-ci ilin mayın 1-nə 1,475 milyard manat, ötən ilin iyunun 1-nə isə 1,338 milyard manat təşkil edib.