Bakı. Trend:
Avropa İttifaqının (Aİ) rəsmiləri Gürcüstanla vizasız rejimin ləğvi məsələsinin müzakirəsinə Brüsseldə keçirilən Aİ Xarici İşlər Nazirləri Şurasının iclasında qayıdacaqlar.
Trend xəbər verir ki, bu barədə toplantı ərəfəsində Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas IPN-ə verdiyi açıqlamada danışıb.
Avropalı diplomat son dövrlərdə Aİ-nin Gürcüstanda “ciddi geriləmə” müşahidə etdiyini qeyd edib:
“Biz əlavə hansı addımlar ata biləcəyimizi götür-qoy edirik. Bütün variantlar, o cümlədən, vizasız rejimin ləğvi və Gürcüstan hökumətini öz siyasətini yenidən gözdən keçirməyə məcbur edə biləcək digər tədbirlər nəzərdən keçirilir”, - deyə Kaya Kallas bildirib.