Bakı. Trend:
ABŞ-nin Los-Anceles şəhərinin Uilminqton rayonunda sənaye tunelinin çökməsi nəticəsində təxminən 15 işçi tunel daxilində təcrid olunmuş vəziyyətdə qalıb.
Trend-in məlumatına görə, bu barədə şəhərin yanğınsöndürmə xidməti rəsmi açıqlama yayıb.
Hazırda xəsarət alanlar barədə məlumat yoxdur, hadisə yerində təcili yardım və xilasetmə briqadaları əməliyyat aparır.
“Los Angeles Times” nəşrinin yazdığına görə, tunel şəhərdə sanitariya şəraitinin yaxşılaşdırılması məqsədilə həyata keçirilən layihə çərçivəsində inşa edilirdi.
Qazıntı və axtarış-xilasetmə işləri davam edir. Hadisənin səbəbləri ilə bağlı araşdırmalara başlanılıb.