Bakı. Trend:
Azərbaycanın Dövlət Neft Şirkəti – SOCAR-ın orta gündəlik hasilatının qarşıdakı illərdə azalmağa davam edəcəyi gözlənilir
Trend xəbər verir ki, “Moody’s”in proqnozlarına əsasən, 2025-ci ildə SOCAR-ın orta gündəlik hasilatı neft ekvivalentində 269 min barel (MBOE/d), 2026-cı ildə isə 264 min barel təşkil edəcək.
Müqayisə üçün şirkət aşağıdakı statistikanı əlavə edib:
2020-ci ildə – günə 380 min barel
2021-ci ildə – günə 365 min barel (2020-ci illə müqayisədə təxminən 4% azalma)
2022-ci ildə – günə 390 min barel (2021-ci illə müqayisədə təxminən 6,8% artım)
2023-cü ildə – günə 298 min barel (2022-ci illə müqayisədə təxminən 23,6% azalma)
2024-cü ildə – günə 275 min barel (2023-cü illə müqayisədə təxminən 7,7% azalma – mövcud qiymətləndirmələrə əsasən)
Əgər 2025-ci ilə olan proqnoz (269 min barel/gün) gerçəkləşərsə, bu 2024-cü illə müqayisədə təxminən 2,2% azalma demək olacaq. 2026-cı ildə isə hasilatın təxminən daha 1,9% azalacağı və 264 min barel/günə düşəcəyi gözlənilir.
Ümumilikdə, 2020-ci ildəki günə 380 min barel göstəricisi ilə müqayisədə, 2026-cı ildəki gündəlik 264 min barel hasilat təxminən 30,5% azalma anlamına gələcək.