Bakı. Trend:
Peşə təhsilinin maliyyələşdirilməsi istiqamətində ciddi işlərə başlanılıb.
Trend xəbər verir ki, bunu Peşə Təhsili üzrə Dövlət Agentliyinin sədri Ceyhun Kərəmov "Code Academy” və Sənaye və İnnovasiyalar üzrə Bakı Dövlət Peşə Təhsil Mərkəzi, “CASA”, Turizm və Sosial Xidmətlər üzrə Bakı Dövlət Peşə Təhsil Mərkəzi, İMZA GROUP və Turizm və Sosial Xidmətlər üzrə Bakı Dövlət Peşə Təhsil Mərkəzi arasında yeni əməkdaşlıqların əsasını qoyan Anlaşma Memorandumunun imzalanma mərasimində çıxış edərkən deyib.
"Peşə təhsilində mərhələli şəkildə adambaşı maliyyələşmə sisteminə keçid edirik. Burada ayrı-ayrı ixtisaslar üzrə xərclər müəyyənləşdirilir", - deyə o əlavə edib.
Onun sözlərinə görə, xərclərdə müəllimin iş saatı, əməkhaqqı, enerji ehtiyyatına sərfiyyat və s. nəzərə alınır:
“Bazarda 3 aylıq kursların qiyməti 1 illik təhsil qiymətindən çoxdur. Peşə təhsili praktiki təhsildir. Məqsədimiz tələbələrə tədris prosesində səhvləri öyrədib, onları əmək bazarına hazırlıqlı yetişdirməkdir”.