Bakı. Trend:
ABŞ dövlət departmanetində aparılan ixtisarlara Rusiya və Ukrayna məsələləri üzrə aparıcı mütəxəssislər də düşüb.
Trend xəbər verir ki, bu barədə ölkənin yerli KİV-ləri öz mənbələrinə istinadən məlumat yayıb.
Bir neçə amerikalı məmurun bildirdiyinə görə, ötən həftə Dövlət departamentindən qovulmuş təxminən 1350 əməkdaşın arasında, kəşfiyyat bürosunun baş analitikləri, o cümlədən Rusiya və Ukrayna üzrə mütəxəssislər də yer alıb.
Məumata görə, bu ixtisarlar Ukraynadakı münaqişənin nizamlanması ilə bağlı Vaşinqtonun səyləri fonunda Tramp administrasiyasına faydalı ola biləcək dəyərli təcrübənin itirilməsinə səbəb ola bilər.
“Məsələ yalnız iş yerlərində deyil, ən münasib olmayan anda həyati əhəmiyyətli imkanların zəiflədilməsidir”, - adıaçıqlanmayan həmsöhbət ixtisarlarla bağlı şərh verib.