Bakı. Trend:
Səudiyyə Ərəbistanı Krallığı Mərkəzi Asiya ölkələrini və Azərbaycanı təkcə dost kimi deyil, həm də davamlı enerji gələcəyinin formalaşmasında strateji tərəfdaş kimi görür.
Trend xəbər verir ki, bunu Səudiyyə Ərəbistanı Krallığının energetika nazirinin köməkçisi Nasser Əl-Qahtani Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
"Sıx əməkdaşlıq sayəsində biz birgə təsirimizi gücləndirə, təmiz enerji texnologiyalarının tətbiqini sürətləndirə və bununla da həm xalqlarımızın, həm də gələcək nəsillərin rifahına töhfə verə bilərik.
Bu ortaq vizyonun əsas sütunlarından biri Yaşıl Dəhliz Təşəbbüsüdür. Bu təşəbbüs Mərkəzi Asiyanı Avropa ilə birləşdirən daha dayanıqlı və qarşılıqlı əlaqəli enerji sisteminin qurulmasına dəstək verir", - nazir köməkçisi vurğulayıb.