Bakı. Trend:
Kolumbiyanın Bolivar departamentinin cənubunda, Santa-Rosa bələdiyyəsində yerləşən hərbi obyektə partlayıcı qurğularla təchiz edilmiş pilotsuz uçuş aparatları (PUA) ilə hücum nəticəsində 3 hərbçi həlak olub, daha 8-i ağır yaralanıb.
Bu barədə Kolumbiya Milli Ordusunun Birinci Diviziyası “X” sosial şəbəkəsində məlumat yayıb.
Bildirilib ki, hücumdan dərhal sonra müvafiq təhlükəsizlik protokolları işə salınıb, dəymiş ziyanın miqyasını və hadisənin nəticələrini müəyyənləşdirmək üçün yoxlamalara başlanılıb.
Yaralı hərbçilər tibb müəssisələrinə çatdırılıb və onların müalicəsi davam etdirilir.
