Bakı. Trend:
Hakim Humberto Otazu təxminən 3 milyon müştərinin hesablarının dondurulmasına səbəb olan Ueno Bankının iflası işi üzrə ittiham olunan Paraqvayın keçmiş prezidenti Santyaqo Penanın müvəqqəti həbsinə qərar verib.
Santyaqo Pena Prezident Mühafizə Alayının nəzarəti altında saxlanılacaq.
Prokurorluq daha əvvəl keçmiş prezidentə “etimaddan sui-istifadə və şəxsi mənfəət məqsədilə əmlakın idarə edilməsində yol verilmiş pozuntular” ittihamlarını irəli sürüb.
İstintaq dövlət və pensiya fondlarının Ueno Bankında yerləşdirilməsi, eləcə də bank qurumuna nəzarətin həyata keçirilməsi zamanı mümkün qanun pozuntuları ilə bağlıdır.
Noyabrın 6-da senatorlar Ueno Bank qalmaqalı ilə əlaqədar Penanın impiçmentini təsdiqləyiblər. O, vəzifəsindən kənarlaşdırıldıqdan sonra saxlanılıb.
