Bakı. Trend:
Türkiyənin cənub-şərqində yerləşən Van vilayətində baş verən yol qəzasında azı 9 nəfər ölüb, 5 nəfər yaralanıb.
Bu barədə vilayətin valisi Ozan Balcı məlumat verib.
Onun sözlərinə görə, qəza şənbə günü yağışdan qısa müddət sonra Van-Özalp magistralında mikroavtobusun yük maşını ilə toqquşması nəticəsində baş verib.
“İlkin məlumatlara görə, qəzada 9 vətəndaşımız həlak olub. Onlardan 5-i qadındır. Daha 5 nəfər yaralanaraq xəstəxanaya yerləşdirilib”, – deyə vali bildirib.
Qəzanın başvermə səbəbləri araşdırılır.
