Bakı. Trend:
2025-ci ildə Azərbaycan Yazıçılar Birliyinə (AYB) üzv olmaq üçün 300-ə yaxın şəxs müraciət edib.
Bu barədə Trend-in sorğusuna cavab olaraq Azərbaycan Yazıçılar Birliyinin (AYB) mətbuat katibi Xəyal Rza məlumat verib.
O bildirib ki, qəbul elan edilən müddət ərzində 300-ə yaxın müraciət qeydə alınıb:
“Qəbul komissiyası növbəti qəbul elanına qədər onları dəyərləndirəcək və ictimaiyyətə məlumat veriləcək. Növbəti qəbul vaxtı minumum 1 il, maksimum 1,5 il sonra həyata keçiriləcək”.
Onun sözlərinə görə, hal-hazırda Azərbaycan Yazıçılar Birliyinin 2500-dən çox üzvü var.