Bakı. Trend:
Cənubi Koreyada impiçmentdən sonra prezidentlik vəzifəsindən kənarlaşdırılan Yun Sok Yol keçmiş dövlət başçıları üçün ayrılan “prezidentlik təqaüdündən” məhrum edilib.
Trend xəbər verir ki, bu haqda “Chosun Ilbo” nəşri yazır.
Koreya Respublikasının qanunvericiliyinə görə, keçmiş prezidentlərə vəzifədə olarkən aldıqları əməkhaqqının 95%-i həcmində təqaüd ayrılırdı. Halbuki bu imtiyaz impiçment nəticəsində hakimiyyətdən getmiş dövlət başçılarına şamil olunmur.
Hazırda prezidentlərin əməkhaqlarının indeksasiyasından sonra onların illik məvacibi 178 min dollara qədər yüksəldilib.
Qeyd edək ki, Sok Yol təkcə prezidentlik təqaüdündən yox, həm də milli xiyabanda dəfn olunma hüququndan məhrum edilib.