Bakı. Trend:
ABŞ Prezidenti Donald Trampın Vaşinqtonun Havana ilə bağlı siyasətinin sərtləşdirilməsinə dair memorandumu bütün Kuba xalqının hüquqlarını pozan cinayət siyasətidir.
Trend xəbər verir ki, bu fikri Kubanın xarici işlər naziri Bruno Rodriqez Parrilla “X” sosial şəbəkəsində yazıb.
O qeyd edib:
“Bu gün ABŞ hökumətinin Kubaya qarşı açıqladığı prezident memorandumu bütün Kuba xalqına qarşı təcavüzü və iqtisadi blokadanı gücləndirir, bizim inkişafımıza əsas maneədir. Bu, bütöv bir xalqın hüquqlarını pozan cinayət siyasətidir.”