Bakı. Trend:
“Netflix” yayım platforması ABŞ Milli Aeronavtika və Kosmik Tədqiqatlar İdarəsi (NASA) ilə rəsmi tərəfdaşlıq elan edib.
Trend xəbər verir ki, bu barədə platforma "X" sosial şəbəkəsindəki rəsmi səhifəsində məlumat yayıb.
Tərəfdaşlıq çərçivəsində “Netflix” raket buraxılışlarını, astronavtların kosmosa çıxışlarını, eləcə də Beynəlxalq Kosmik Stansiyadakı (BKS) gündəlik missiya fəaliyyətlərini və Yer kürəsinin görüntülərini canlı yayımlayacaq.
Canlı yayımların bu yaydan etibarən başlaması planlaşdırılır və layihə kosmosa marağı olan tamaşaçılar üçün unikal təcrübə və vizual materiallar təqdim etməyi hədəfləyir.