Bakı. Trend:
Avropa ölkələri Ukraynanın təhlükəsizliyini təmin etmək üçün tədbirlər təklif etməlidir.
Trend-in məlumatına görə, bu barədə ABŞ dövlət katibi Marko Rubio "X" sosial şəbəkəsində yazıb.
"Daha az danışmağa və daha çox hərəkətə ehtiyacımız var. Avropa Ukrayna xalqının təhlükəsizliyini təmin etmək üçün tədbirlərə dair konkret təkliflər hazırlamalıdır", - deyə o bildirib.
Bundan əvvəl Brüsseldə NATO xarici işlər nazirlərinin görüşünün yekunlarına dair mətbuat konfransında Marko Rubio vurğulayıb ki, ABŞ Ukraynada münaqişənin sülh yolu ilə nizamlanmasına nikbin yanaşır, lakin danışıqlar prosesinin çətin olacağını başa düşür.